Mark 3

1Sa Yesu ɓei dna n Kafarnafum Wa lo aduwa nyakun njesun Wa gye za dna nbwai sha-shayi. 2Shikwonyi Satiwyi nu ɓei, Yesu a nuwun-yi ɓai ka wo wye ko Wo ɓa ka zayi bwa gna. N Wa kawo gna, ɓa ɓei shiri zhin ɓa wan wo.

3Yesu wa yi zayi ɓe ceyi gni na za bye. 4Wa pmi awye shi owo anuwun yi Wa nya ge, “Ko bimya a zhin ɓo manayi n Satiwyiyi? Kwo nyipyei ɓenukwoi zhin nya na? Kwo zhin nyipyei a-wye-wyei gni nya nu kwo oɓa wu nya na?” Amma to ɓa dna Wo ɓe gbe m. 5Wa shiɓa wye n mina-gyi yi, ntu ge ce ɓei san Wo shi ɓata gye ɓa anuwan n nyai n aza yem. Wa ci zayi ho ge, “Ta ho bwaya,” Sa n wo ɓo takwoya, wa bwa kagna n sayi-sayi yi.

6Nsayi-sayi yi a Farisiyi ɓa lo Hirudus azaba ɓa zhin shaula shi ɓa ɓa wu Yesu. 7– 8Nsa deye, Yesu nwo abara yi, ɓa lo olagbe deji yi viɓa nɓa ɓo knu n Galili kni, n Yahudiya yi, n Urushelima yi, n Udumiyayi, wato Urdun la kma har kwoi lo Taya n Sida kni yi. Ntuge owa ɓo wowoyi zhin nabari ɓo la gnami n kpai, ntu cenu azai ɓe wo gye n ɓahin tukwoyi.

9Wa gna Wo abara ge, ɓa ɓe eya yi vivi yi, sakun a ce Wa bwaya dna nuwan, ntuge deji ɓo ku duwyi. 10Ntuge Wo ɓola aza kagna n wyi yi mwa, ntu lo nu anyasanyi mwa ɓa she kna Wo, ɓai ye ɓa to Wo bwa.

11Sanu alijanu da gye Wo wye, ɓa miya zhi kni, ɓai fyaku, “Oho nu zhin Shekwoyi Nugun!” 12Ama Wa gna kni ɓa ge, ɓa to zhin a kpe Wo yem.

Aje Atnu-tnuyi Ho Yi Ɓe

13Nnavun deye, Wa gnu lo pe, Wa gna Wa za kni-kni yi ho ge ɓa ɓe ɓa sun Woi ɓo, ɓa ku zhin lonu. 14– 15Nsayi Wa kni aza n ɓami n gun awo-cei-aba ɓa ze Wa nugundo, Wa tnu ɓa, ɓa zhin waʼazi, ɓai knu alijanu ya.

16– 17– 18– 19 ▼

▼The text of verses 16-Mrk 3:19 has been merged.

Aza ʼye awo-cei-aba nyi, n Wo ɓo kninyi: Siman (Wa shan wo ye tu ge Bitrus), Yakubu n Yohanna yi (Zabadi a ɓi ama Yesu ɓei yi ɓa ge, Ogmawyisa aɓi), Andarawus, Filibus, Batalamawus, Matta, Toma, Yakubu (Alfas nugun), Tadawus, Siman (wo ɓei dna naza nɓa sun kun ɓa mi a Romawayi gwamnati ya nyi.) Yahuda Iskariyoti (nwo ɓo knu Yesu nyi.)

20Sa nwo ɓo jeze ɓe puwa nwo ɓei dna nyi, aza ya yezhi njesun, har to Wa bwa sa n Wo gyi nyagyi m. 21Sa n Wo anugun-do ɓei wo lonu, ɓa zhin atna ɓa lo Woi n ɓa puwa. Ɓa cige, “Wo ta kpeɓeye lo n Wo zhin m!”

Laifi Nkwo To N Gafara Yim

22Amma a Yahudawayi a malami n ɓa ɓo knu Urushelima, ɓa cige, “shetan, alijanu-su dna lo n wo mi. Cenu zhin alijanu yi wo-wo ɓeda.”

23Yesu wa yi ɓa zhi Wa nya ɓa ɓo “woi si anyi besis nɓa ɓo kpeye Shetan ɓa zhin wuna wa nya shetan ya? 24Ebe n kwo gna je nkwohin tukwo yi, kwo ɓa miya. 25Puwa n kwo na je gna yi, kwota gni m. 26N shetan sungun n wohin yi, woɓa mi n ɓoho zhin wuna. Wo ta pwo m! 27(Sai a pa shetan, kafin a knu alijanu ya), ngye sai a pa zakala kpa, kafin ami a lo wo puwa a wyi wo akaya.

28“Eminu gna fye, aɓa zhin laifi doho-dohoi gafara, kwo eza woi yi Mi n ye nukwoyi yi. 29Ama ɓeda nukwoyi tu n Zafun Gyi-gyi-yi tukwo, ata zin za gafara m, laifi yakwonu.”

30Wo ɓo gna ɓa lo nu n tu ge, ɓa ɓo cige Wo zhin Wa tnu-tnu a wowoyi n shetan ikoyi nu. (Maimako ɓa cige n Zafun Gyi-gyi-yi iko yinu.)

31– 32Owo ʼya n Wa majeyi, ɓa ɓe puwa n naza ɓo yefi woi wuɓa nya nyi, ɓa tnu wo yi ɓa daɓo n Woi “Oho ʼya n Ha majeyi, n Ho ɓei pmalo n bmi ɓa daɓo hoi.”

33“Wa dnaɓo gbe ge, Anyikanu zhin Mi ya? Nyikanu zhin Ma majeʼa?” 34Wa shi aza ʼwye n ba ɓei shewo kna nyi Wa ci ge, “Emi ʼya, n Ma majeyi nu zhi nyi! 35Eza n wo zhin Shekwoyi ɓeye, wo nu zhin Mi Mado, emi mapui, n Mi ʼya yi!”